ذا ميستيريوس كيس اوف الشركات اللي اتنصب عليها في ملايين

على مدار السنة اللي فاتت ، اشتغلت مع كام شركة اتنصب عليهم في كام مليون حلو كده ، الشركات كلها اتنصب عليهم بنفس الطريقة و نفس الاسلوب ، و للاسف رغم انه الخدعة بسيييييطة جدا الا انها صعب جدا كشفها و فعلا جهنمية ، خلينا نشوف

خطوة رقم 3: يوزر بيكون مش راجل تيكنيكال ، بيكون في العادي بيبعت و بيحول فلوس للخارج ، بيجيلو ايميل تقليدي جدا من شركة هو بيتعامل معاها لاوردر جديد و كل حاجة ، الايميل من ايميل الشركة

خطوة رقم 4: بتفضل الايميلات رايحة جاية عادي ، لحد وقت الاوردر بيجي طلب تغيير الحساب اللي بيتحول ليه الفلوس و تفاصيل التحويل الجديد

لحظة ، هو فين رقم واحد و اتنين ، اتقل…

او في وسط الكلام العادي بيجي ايميل من المورد بطلب تغيير الحساب اللي حاتتحل عليه الفلوس ، طلب عادي من ايميل شركة المورد ، و هنا اليوزر الغلبان بيبص على الايميل ، فعلا من ايميل الشركة ، فيبعت يرد عليه يقوله ممكن تأكد التغيير ، فعلا يجيله التأكيد و هوب يحول الفلوس و بخ

في شركة اعرفها اتنصب عليها في مليون و نص ، و واحدة تانية في 2 مليون ، و في شركة كان حايضيع منها 5 مليون

بس فين المشكلة…..ازاي ده بيحصل….تعالى نشوف

لو شوفت الصورة الاولى ، ده ايميل تقليدي بسيط من ايميلي على الاوتلوك لايميلي على الاوتلوك ، الايميل شكله عااااادي جدا ، بص و راجع كويس

طيب حدوس

Reply

الايميل شكله عادي برضو و تقليدي في الصورة التانية ، ب بص تاني كده ، ستوووووووووووووووووووووووب

بص كويس في الصورة التانية ، في حرف متغير في الايميل ، واخد بالك

بدل

Outlook

بقت

Outluok

و هي دي الثغرة اللي اليوزر الغلبان مش بياخد باله منها خااااااااااااااااااااااااااااااالص

تعالى نبص تاني كده للسيناريو بشوية تفاصيل:

خطوة رقم 1: بيكون حصل اختراق للكومبيوتر في مكان ما اما عند الشركة او المورد و حد شاف الايميلات بين الشركات و عرف طريقة صرف و تحويل الفلوس و الاوردر و فضل لابد في الذرة

خطوة رقم اتنين ، فضل مستني لحد ما اوردر معين حايتحط او تحويل فلوس حايتم و هنا الهاكر يبتدي شغله ، يبعت ايميل من الايميل سيرفر بتاعه بس يضيف في الايميل اللي بيتبعت

Header

بسيط اسمه

Reply-to

في الصورة التالتة حتشوف اني ضفت الهيدر

هنا اما بيجي الايميل في الخطوة 3 ، فهو بيجي شكله من الشركة و طبيعي بطلب تغيير الحساب او تحويل فلوس او او او ، و هنا الراجل بيرد عادي و يطلب التأكيد ، هنا يشتغل ال

Reply-to

و بدل ما يروح الايميل على الايميل اللي في ال

From

بيروح على ال

Reply-to

اللي فيه حرف بسيط متغير اليوزر غالبا مش بياخد باله منه ، ده مش حاجة معقدة لانه ده دور ال

Reply-to

انه بتقول انه الايميل ده جاي من ايميل ، بس الرد يروح لايميل تاني ، بتلاقي الكلام ده كتير اوي في الكساتمر سبورت و الكول سنتر

يبتدي بقا النقاش يتم على الايميل الجديد و الراجل مش واخد باله من حاجة و يجيله التأكيد و كله في السليم و الفلوس تتحول و كل سنة و انت طيب

هل الموضوع ده مؤثر ، فشخ ، و اكتر من شركة اعرفها تم النصب عليها بالشكل ده في ملايين….

طب و الحل يا مرسي ؟!

الموضوع ده معقد اوي لانه ال

Reply to

من ضمن الحاجات التقليدية و الستاندارد بتاعت الايميل هيدرز ، يعني منقدرش نقول انه اي ايميل فيه

Reply-to

يبقا سبام ، مش صح ، ففي عامل مهم جدا على اليوزر ، اضف انه لازم تعمل بروتكشن محترم بيعمل

Anti Spoof

و ان كان الانتي سبوف كان شغال في الحالات دي كلها و مقدرشي يمسكها

مراجع:

https://docs.microsoft.com/en-us/microsoft-365/security/office-365-security/anti-spoofing-protection?view=o365-worldwide