جدع تحت النار–قصة مختلفة تماما لبلطجة الداخلية في مصر

انا مين ، و لا احنا مين اساسا ، سؤال ممكن يخطر على بال اي حد بيقرا التدوينة دي و في بالوا انه حيسمع عن الواد حلمبو اللي اتمسك في قسم العامرية و عذبه الباشا ، لكن احب اقولك انه المرة دي حتسمع حاجة تانية خالص ، جديدة و من ناس ممكن تعرفهم و ممكن متعرفهمش بس مش اللي في بالك خالص علشان كده حبيت ابتدي و اقولك احنا مين .

انا اسمي محمود مجدي ، بشتغل شغلانة ترجمتها بالعربي كبير مصممي النظم و الشخص اللي ححكيلك عليه اسمه محمد فوزي و شغال كبير مستشاري النظم في شركة لينك دوت نت. بس برضوا انت لسه متعرفشي احنا مين

انا و محمد و تقريبا ننتمى لمجموعة من حوالي 12 مصري تانيين واخدين شهادة او هي بمعنى ادق جائزة مايكروسوفت تعتبر ارقى جائزة تمنحها مايكروسوفت لمحترفي التكنولوجيا خارج شركتها في العالم و يطلق عليها بالعربي المحترف الاكثر قيمة

Microsoft Most Valuable Professional

الجائزة دي لا تمنح لأي شخص ، بل تمنح بعد مراقبة لهذا الشخص و مستواه العلمي  و مشاركاته في المجتمع في جازة تقديرا لخدماته العلمية و مستواه العلمي الذي لم يستغله فقط في مجال عمله بل باشر بخدمه المجتمع العلمي المحيط به مجانا لنشر التكنولوجيا في بلده او مجتمعه و يكون هذا في مجالات و بطرق متعددة

كام واحد واخد الشهادة دي في مصر ، تقريبا 12 ، و انا و محمد الوحيدين في تخصصنا اللي حصلنا عليها انا في مجال

Exchange Server

و محمد في مجال

Virtualization and Data Center

و الاخرين لا يقلوا عنا قيمة او مستوى فنحن لسنا افذاذا او خارقين ، و لكننا وصلنا لمستوى احترافي عالي و لم نقف بل بذلنا كل ما نستطيع لنشر العلم في بلدنا و في العالم ، توصيف الشهادة من على مايكروسوفت كما هو منقول من الموقع: https://mvp.support.microsoft.com/gp/mvpintro

The Microsoft MVP Award Program recognizes and thanks outstanding members of technical communities for their community participation and willingness to help others. The MVP Award is given to exceptional technical community leaders who foster the free and objective exchange of knowledge by actively sharing their real-world expertise with technology users. The MVP Award celebrates the most active community members from around the world who provide invaluable online and offline expertise that enriches the community experience and makes a difference in technical communities that feature Microsoft products.

MVPs are a select group of experts representing technology’s best and brightest people who share a commitment to community. While MVPs come from many backgrounds and a wide range of technical communities, they share a passion for technology and a demonstrated willingness to help others. MVPs do this by writing books and articles, managing Web sites, maintaining blogs, participating in user groups, hosting and contributing chats, presenting at events and training sessions, and answering questions in technical newsgroups, forums, or message boards.

Microsoft MVPs are an amazing group of individuals. By sharing their knowledge and experiences and providing objective feedback, MVPs help people solve problems and discover new capabilities. It gives us great pleasure to recognize and award MVPs as our way of saying thank you for their demonstrated commitment to helping others in technical communities worldwide.

ربنا يعلم انه لم نبغى سوى الاجتهاد و رفع المستوى ، نحن النخبة و لكن لم نقول بل فعلنا و لسنين في صمت ، لم نطلب مالا و لا جاها و ربما لا يعرفنا الكثيرين فنحن غالبا نشارك باسماء مجهولة او مستعارة و ان شاركنا باسماءنا الحقيقية فربما لو رأيتنا في الشارع لا تعرفنا ، و لكننا و بكل فخر ، النخبة

انا بقول كده و كلي فخر و ليس استكبار ، فانا فخور اني ارفع اسم بلدي و اساهم في تنمية مجتمعي ، تم هذا و على مدار سنين و سنين و لم اخذ و لم اطلب و ان اطلب مالا ، فانا اخدم بلدي و ابناء وطني و كذلك يفعل محمد و باقي المجموعة فهم لا يقلوا عنا مكانة و علما

شاهدني و انا و محمد نتحدث من سنة في مؤتمر مايكروسوفت الاكبر في مصر

Transition from Exchange 2003/2007 to Exchange 2010 – Arabic Session – Microsoft OpenDoors – Egypt 2010 – Part1 from mahmoud magdy on Vimeo.

لم هذه المقدمة ، لانه عندما يتم اعتقال محمد و لمجرد انه تشابه اسماء و تلفيق تهمة الاتجار بالمخدرات له بدون اي ذنب او تمييز ، فهذه جريمة لا تغتفر اساسا في حق اي بني ادم و لا تغتفر مرات و مرات لانها لم تميز من هو المتهم و لا مكانته في مجتمعه

محمد تم القبض عليه اول امبارح و بيقول على تويتر

قوه من مباحث السيده جاءت لالقاء القبض على بدون ذكر للتهمه و الاكتفاء بقول أنهم عايزنى فى كلمتين. الظابط كان محترم و مؤدب. يتبع

اتصلت بمالك و مكانش عندى تفاصيل و كنت شاكك أنها ليها علاقه بقضيه اعتصام القضاه من 2006 علشان ده القضيه الوحيده اللى عنحي و انا مش فاعل مؤخرا

فى الطريق سحبوا الموبيل منى و استنيت نص ساعه لحد ظابط المباحث ما قالى انى ممسوك فى حكم مخدرات و هربت من السجن أثناء الثوره. يتبع

أكتشفت أن الهارب أسمه الرباعى مختلف عنى وهم عارفين كده بس مسكونى علشان يبقى أسمهم مسكوا هارب و المطلوب انى أثبت أنى مش هو. يتبع

الهارب أتحبس و هرب بدون ما يسجلوا أى بيانات عنه غير أسمه مفيش رقم بطاقه او تاريخ ميلاد او أسم أم. قمه العبث و ده سهل أنهم يمسكوا أى اسم زيه

عمرو الامام وصل و تعامل مع الظابط و وصلنا لحل غريب اننا نصور ورق من الباسبور بتاعى علشان اثبت انى كنت مسافر و المباحث تأخذ رقم موبيلى. يتبع

الخلاصه. أى حد مش بيسافر كتير و ملوش علاقات معرض للسجن الخطأ المتعمد علشان الداخليه عايزه تزود أرقام و تبان بتشتغل

ممكن تقرا الحدوتة من على حساب محمد فوزي على توتير https://twitter.com/vfawzi

محمد اتقبض عليه و لو الراجل ده مكانشي مسافر و مكانشي يعرف شوية ناس الله اعلم كان ايه اللي حيحصل ليه ، انا هنا احب ان اعلق كالتالي:

• كم من عقل و نفس و روح و شخص ظلم في هذا البلد لغياب القانون و عدم احترامه
• انا لم يكن لي رأي سياسي ابدا و لا عمري نزلت مظاهرة و لا أي حاجة ’ لكن ان ارى واحد من افضل العقول المصرية و هو معرض ان يذهب هباء منثورا و في غياهب الجب لمجرد انه هناك بعض الاشخاص مكسلين يعملوا شغلهم فهو شئ يكسر قلبي و لا استطيع ان اتفهمه او اقبله
• بغض النظر عن مكانة محمد العلمية و الاحترافية فهذا فعل لا يقره لا عقل و لا دين و لا منطق

انا بحب اقول لكل شخص مسؤول و لكل ظابط لا يخشى الله انكم سوف تحاسبون يوما ما على مااقترفتموه يوما ، فخافوا على هذا البلد و على انفسكم فانتم لا تحموه بل تهدموه

حسبي الله و نعم الوكيل ، حسبي الله و نعم الوكيل

 

 

 

هل يا ترى الوفد حياخد اصوات اكتر في انتخابات الاعادة ، و ليه الكتلة مش حتاخد اصوات تاني #Egypt #egyelections

كالعادة انا ادلي بدلوي العلمي الذي لا ينحاز الى اي فصيل من الفصائل المتنافسة في الانتخابات المصرية ، الدلو هذه المرة هو تحليل للاداء التسويقي و مدى فاعلية الرسائل الموجهة من الاحزاب في حملاتها الدعائية.

الكتلة المصرية:

الكتلة المصرية اعتمدت على وجوه متنوعة في اختياراتها الدعائية ، اي خبير في التسويق سيقول و يؤكد انه دعاية الكتلة كانت تسير وفقا لكتب الدعاية الاعلامية كالتالي:

• التنوع في انواع الرسائل المرسلة
• التأكيد على تنوع اعضاء الحزب
• التأكيد على وضوح الخطة و الاهداف (راجع الاعلان و انتبه لكلمة نجيب ساويرس)

اختتام الاعلان بصور للعديد من المصريين كانهم منضمين للحزب يوحي بانه هناك اعداد كبيرة من المصريين تنضم للحزب و هذا يترك رسالة في اللاوعي بضرورة و اهمية الحزب.

طبعا انا لا اعيب على الكتلة استخدام هذه الاساليب فهي مشروعة تماما و بالعكس هذا كان واضحا في الارقام التي حققتها الكتلة على الرغم من حداثة عهدها و الارقام لا تنبع من التصويت الذي حصلت عليه من تصويت المسيحين في مصر بل من الاصوات التي انضمت اليها من المسلمين ايضا ، و لو سألت اياي منهم سيقول انه صوت لانه الكثيرين انضموا للحزب لدعوته لمدنية الدولة التي ينادي بها الكثيرين و هو ما عكسته الدعاية و لم تعكسه الارقام

ما يؤخذ على دعاية الكتلة: التلويح الدائم يكارت المدنية ، وضع نجيب ساويرس كرمز من رموز الحزب و ما تم اغفاله انه لا يحظى بشعبية و كثيرين صوتوا لاخرين لمجرد وجود نجيب ساويرس في الواجه ، مخاطبة طبقة معينة من المجتمع و التي تسعى للمدنية و تؤيدها و اهمالها للتيار المحافظ و الديني

الدعاية الانتخابية للكتلة اشتملت على رسالتين واضحتين:

مع بعضنا حنجيب حقنا: و هي تعكس انه كلنا مع بعض متضامنين و هي رسالة جيدة

حانقضي على الفقر و الجهل و حنحقق الامان و حنحارب الفساد: اعتقد انه لو تم اعادة صياغة الجملة دي الى بنحارب الفقر و حنقضي عليه لكانت عادت على الكتلة بمردود افضل لانه الرسالة الحالية تعكس انه افعالنا جاية و لسه حنعمل ، و السؤال الذي يتبادر للذهن طب انتو عملتوا ايه قبل كده؟

اعتقد انه الكتلة ان تحصد المزيد من الاصوات بسبب ممارسات ساويرس ، و ان كان تفوقها سيثير اعجاب المزيد من المرشحين

حزب الوفد المصري:

حزب الوفد اعتمد في الاساليب القديمة في التسويق و الاعلان و الدعاية و قرر الاعتماد على تاريخه و هو ما لم يترك اي تأثير او يجد اي صدى ، و هو ما اتضح في الدعاية قبل الاعادة و الاغنية المملة (شعب مصر يا مصريين( و الاسلوب الاهبل ده و هو ما يؤكد انه المسؤول عن دعاية الحزب لا يفقه اي حاجة

الدعاية اتغيرت في فترة الاعادة عندما اكتشف الوفد انه دعايته ادت الى ارقام واهية جدا و هو ما دفعه الى استخدام كارت التلويح و الترهيب بين الاختيارات الاخرى و اختيار الوفد ، طريقة مقبولة و ربما ستزيد ارقام الوفد قليلا في الاعادة و المراحل الاخرى و لكن ليس لها التأثير الايجابي الكبير

هذه كانت رؤيتي حسب ما قرأت و فهمت في الدعاية الاعلامية و اساليبها

الثورة المصرية و بنك الاسئلة

والله انا مش مكونتش عايز ابتدي و اقول انه انا مليش اي انتماءات سياسية بس مقدرتش و لازم احط الديسكليمر ده في الاول

انا شخص طبيعي جدا و من طبيعتي انه بحب التحليل جدا، و نتيجة لذلك فانا بتابع كمية مصادر للمعلومات هائلة علشان احاول احلل الموقف المصري بس للاسف فشلت ، كتر متابعة المصادر ولد عندي كمية هائلة اصبحت بنك الاسئلة لدي فقولت اقولها يمكن نسيت سؤال فنحطه هنا او يمكن البنك المركزي يتولى الموضوع و يجاوب عن اسئلتي، انا لا مع فلان و لا مع ترتان انا مع اللي حيكسب بس حد يقوللي بس مين اللي حيكسب و اللي كسبان دقولتي هو مين بالظبط.

نبتدي من الاول:

1-      قبل الثورة ، جهاز امن الدولة الخارق الحارق ملمش ليه العيال المندسة و العناصر الاجنبية اللي تم الاعلان انه اندست وسط المندسين؟

2-      مين اللي ادى اوامر بضرب المتظاهرين و مين اللي بيغشلق عليهم دلوقتي ، يعني مشوفناش واحد اتقفش كده.؟

3-      مين اللي ادى اوامر بالانسحاب ، و ليه الاقسام مدافعوش عن نفسهم مع انه في غرف سلاح جوا ، و لو هم دافعوا بجد مين اللي طلع السلاح و فين كانوا امناء الشرطة و العساكر ، و لو سلمنا انه في مخطط اجنبي نرجع و نقول فين جهاز امن الدولة.؟

4-      مين اللي زق الناس بتوع موقعة الجمل ، و لو قولنا انهم بلطجية مين اجرهم , لو قلنا انهم بلطجية ازاي اتحركوا بكل الجمال و الاحصنة دي وسط الشرطة العسكرية و الجيش، لو رجعنا لفكر المؤامرة حنلاقي انهم اتمسكو و معاهم بطاقات شرطة و بطاقات شخصية شرطة مين اللي زقهم.؟

5-      سؤال على سؤال رقم 4 هي بالمناسبة العيال اللي اتمسكت دي كلها فين دلوقتي و فين نتائج تحقيقاتها.؟

6-      لو قولنا انه الداخلية اتضرب عليها نار ، مين اللي ضرب عليها نار ، و لو زي ما بيتقال انه السلاح الممسوك مع الناس اللي اتضرب عليها نار كان الام بي 5 و ده مش سلاح جيش و لا شرطة يبقوا مين دول؟

7-      سؤال على سؤال 6 ليه القناصة بتوع الداخلية مضربهوش على الناس اللي بتضرب على وزارة الداخلية.؟

8-      لو اتمسك حد محدش طلع قال عليهم ليه؟

9-      السؤال بتاع كل شوية ، فين امن الدولة من الاسئلة من 6 الى 8؟

10-   فين العيال اللي اعتقلو لحد دلوقتي.؟

11-   اشمعنا العادلي و جرانة و عز و رشيد هما اللي وقعوا من الحزب الحاكم ، فين البقية ؟ و اشمعنا دوول ؟ و لا علشان دول اللي عارضوا ووقعوا مبارك ؟ و لا الناس التانية جاية في السكة؟

12-   ليه القنوات المصرية كانت بتذيع اغاني وطنية عموما ثم توقفت؟

13-   لو الرئيس حلو ، ليه ساب الناس دي ترتشي مهو خلاص النائب حولهم للمحاكمة ، و لو هو مرتشي مين الناس اللي بتدافع عنه دلوقتي ؟

14-   مين اللي نزل قوات صاعقة و حرس جمهوري يوم الجمعة اللي فاتت بتاعت 25\2 و مين اللي اداهم اوامر بضرب المتظاهرين ، على اساس انه بيان الجيش قال انه المشير لم يصدر الامر؟

15-   ليه الجيش متشبث باحمد شفيق مع انه غير مرغوب من الشارع؟

16-   ليه الشرطة منزلتشي لحد دلوقتي؟

17-   مين العيال اللي اندست وسط المتظاهرين و مين الناس اللي لبست لبس جيش و قيل انهم ضربوا المتظاهرين على انهم جيش و كانوا فين المتظاهرين و كان فين الجيش ؟ و مين مع مين.

18-   ليه في ناس بتقول انهم انطحنوا و اتضربو و في ناس بتقول انهم اتباسو (مش في بوقوهم) من ظباط الجيش

19-   ازااي كان في تأكيدات بتقول محدش حيضرب المتظاهرين و انضربوا

20-   ليه في ظباط بتقول للمتظاهرين اقعدوا.

21-   هي ايه حكاية صناديق الفلوس اللي بتعدي كل شوية في المطار.

22-   ليه تامر امين راح شرم الشيخ.

23-   ليه الجيش اعتذر؟

24-   مين اللي وقع تويتر يوم الجمعة

25-   ليه رؤساء التحرير متغيروش في حين بتاع التيليفزيون مشي و ليه اتعمل واحد من القوات المسلحة يمسكو و الصحافة لاء.

26-   هو مين اللي طلع المساجين و مين اللي قبض عليهم؟

27-   ليه الجيش سخن على حظر التجول مرة واحدة؟

28-   ليه مبنشوفشي ظباط برتب متوسطة في الشارع اللي بنشوفهم يا اما امناء شرطة يا رتب كبيرة؟

29-   هو ليه مفيش اي اخبار عن المظاهرات في باقي المحافظات (حد ملاحظ كده غيري)؟!

30-   هو انا مين و بعمل ايه هنا ؟

انا عرفت ايه اللي حيحصل، حيتولى اي تي حكم مصر ، و يتولى حفيدي الثورة على الكائنات الفضائية ، اسرائيل تحتل مدينة نصر و روكسي تعلن استقلالها ، صديق حفيدي الصدوق يقود الطائرة الورقية لتفجير سفينة اي تي من خلال البؤرة المضيئة اللي ينطلق منها الوميض في بطن السفينة الفضائية ، يتولي حفيدي تحرير مصر و يتزوج من البنت اللي بيحبها ، ثم يكتشف انها حفيدة جمال مبارك ، و يصفح عنها و يبقا الانترنت ببلاش و العربيات تشتغل بالكهرباء.

خلطة الثورة المصرية للشعوب العالمية لاسقاط الناس المفترية #Egypt #jan25 #Tahrir

1-اعمل عبيط 30 سنة على الاقل ممكن اكتر من كده بس كده يبقا انت بتتبع سياسة اصبر على جار السو
2-  لازم تظبط نفسك في الاكل المصريين اختارو كنتاكي انتو ممكن تختارو حاجة من الفولكلور بتاعكو
3- تجهزوا نفسكم بطاطينكم و مخداتكم و شايكم و شوية علف بهايم علشان لو هجموا عليكم باحصنة و جمال تسايسوا الحصنة بيها و اما تمسكوا مؤيدين النظام تأكلوهالهم  بس الناس اللي في اسيا و الدول الافريقية تخلي بالها لانه وارد استخدام الافيال و الخراتيت
4- في ال 30 سنة اللي انتو مستنيين فيها تخلو النظام يعملكوا حتة فاضية يكون فيها بلاط كتير علشان تتظاهروا فيها و تكسرو البلاط وقت الحاجة لزوم التحديف
5- روح المظاهرات و معاك العيال و ام العيال و طبعا حماتك و تباتوا على الاقل اسبوعين هناك
الزقو بقا و كلها كام اسبوع و توصلكوا الحرية ديليفري