علبة باندورا ، ولا سحر و لا شعوذة ، ما هو الفيرتشوال بروسيسور ، الفيزيكال بروسيسور ، مين الولية اللي اسمها نوما

علبة باندورا ، ولا سحر و لا شعوذة ، ما هو الفيرتشوال بروسيسور ، الفيزيكال بروسيسور ، مين الولية اللي اسمها نوما ، و بوناس تأثير كل ده على لايسنسنج الاس كيو ال ========= في هذا المقال – ما هو Socket, Physical CPU, Virtual CPU, physical Core, virtual core, NUMA و غيره و غيره – تطلع ايه ال Thread – ما هو الفرق بين هايبر في و في ام وير في البروسيسنج – ما هو تأثير كل هذا على لايسنسنج مايكروسوفت ======== علبة باندورا و كما تقول الاساطير هي العلبة اللي تم اعطاؤها لباندورا و تم تخزين كل شرور العالم في هذه العلبة ، و هو تعبير مناسب جدا اجده يليق جدا كل ما اجي في موضوع الفيرتشوال و الفيزيكال بروسيسور ، لان كل مرة يتفتح ، الناس تتخانق مع بعض مع انه موضوع سهل طيب ، علشان منتوهشي حنبتدي كده بشوية حاجات حقولها بالبلدي علشان منتخانقشي مع بعض باقي المقال ، ثانيا انا غير مسؤول عن اي عسر هضم او تلبك معوي يأتي بسبب قراءة هذا المقال اولا ، انسااااااااااااا خاااااااااااااالص انه الفيزيكال بروسيسور هو الفيرتشوال بروسيسور ، و انه اما بتعمل في ام ب فيرتشوال برسيسور اكنك بتاخد كور من على الفيزيكال سي بي يو ثانيا ، مفيش في هذه المجرة اي حد بيقول انه في علاقة (شرعية او غير شرعية) بين الفيزيكال كور و الفيرتشوال كور و الفيرتشوال بروسيسور و الفيزيكال بروسيسور ، انسا ده تمامامممممممممممممممممممااااااااااا طب ايه يا عم ؟! علشان نتفق ، خلينا نبتدي من الاول على بياض بشوية تعريفات Physical Socket or Socket و دي البروسيسور نفسه في حد ذاته على السيرفر ، بيجي بانوع مختلفة و في اكتر من موديل باكتر من كور ، و ممكن يكون عندك بروسيسور ، 2و4و8و16 و هكذا من البروسيسور ، كل بروسيسور عليه اكتر من كور Core ده وحدة بروسيسنج مستقلة جوا البروسيسور ، في بروسيسور ب 2 و 4 و 8 و 12 و 16 و 24 كور ، و في تعريفات و انوع مختلفة Hyperthreading ده تقنية بتتيح تنفيذ اكتر من عملية في نفس الوقت ، انساها مؤقتا NUMA في عالم المالتي بروسيسنج (الفيزيكال) في ميموري كاش ، و علشان نسرع الميموري اكسس بقا في حاجة اسمها النوما ، و هي تقنية بتتيح الاكسس عبر الكاش المختلف ، بس الاكسس اللوكال بيكون اسرع من الاكسس للكاش من على البروسيسور التاني الموجود على باس تاني يعني الكاش متوفر بنفس السرعة على نفس الباس ، بس برضو متوفر عبر الباس التاني و لكن بسرعة ابطأ ، و لو الابلكيشن NUMA AWARE لازم يتستعمل و يحاول يخلي الداتا بتاعته في نفس الكاش علشان يقلل ال Cross Talk http://en.wikipedia.org/wiki/Non-uniform_memory_access طب طلعلنا ليه النوما ده ….اتقل ============= لو وصلت لحد هنا ، فانت كويس جدا ، نيجي بقا نلعب الالعاب السحرية يطلع ايه اصلا الفيرتشوال بروسيسور في الفيرتشوال ماشين ؟! نتيجة لاسباب كتيرة منها التعليم الحكومي و الاستسهال ..ناس كتير بتقولك انه الفيرتشوال بروسيسور يساوي فيزيكال بروسيسور ، و ده غير صحيح بالمرة …ليه بقا ؟!!! لانه الهايبرفايزور (ايا كان مايكروسوفت او في ام وير) بيستعمل حاجة اسمها ال CPU Scheduler ال Scheduler مهمته انه ياخد العمليات من الفي ام و يعملها جدولة على الفيزيكال بروسيسورز ، يعني الفي ام بتبعت التعليمات للتنفيذ ، السكاديولار بياخدها و ينفذها على فيزيكال بروسيسور العمليتين دول اسمهم Wait, Ready, Run فأي عمليه هي مستنية دورها في التنفيذ ، اما ريدي للتنفيذ و مستنية دورها من السكاديولار او ران و بيتم تنفيذها و هنا بيجي دور الكوانتام الكوانتام وحدة زمنية بيستعملها السكاديولار علشان يجدول عملياته ، و مقدارها 50 ميلي ثانية ، و هنا العملية بتنتقل من حالة الانتظزار و تخش التنفيذ كل شوية ، و بيبقا على السكاديولار انه يتحكم في العملية و يعين البروسيسور للفي ام علشان يتم تنفيذ العملية المراد تنفيذها و هنا اما بنتكلم ، بنقول حاجة مهمة جدا ، انه الفيرتشوال بروسيسور هو مجرد وحدة زمنية تمنح للفي ام علشان تقدر تنفذ تعليماتها يعني ايه فلنفترض انه لدينا اتنين في ام على هوست فيه اربعة بروسيسور ، كل بروسيسور اتنين كور ، في ام فيها اربعة فيرتشوال بروسيسور و التانية فيها 1 فيرتشوال بروسيسور ، بحسبة مبسطة سيكون التايم مقسم الى 5 اجزاء و بالتالي نظريا الفي ام الكبيرة تستحوذ على باور 6.4 بروسيسنج ، و الفي ام التانية 1.6 ، و هو ما يعزز مفهوم انه الفيرتشوال بروسيسور ربما يتخطى 100% من قوة البروسيسور (طبعا المفهوم مسطح جدا و لكن للتوضيح) طبعا يتعقد الموضوع كل ما زادت الفي ام و زادت الفيرتشوال بروسيسور و زادت الفيزيكال بروسيسور و الكورز المهم اللي تبقا فاهمه ، انه الفيرتشوال بروسيسور هو Time Allocation على الفيزيكال بروسيسور طب انا عايز اضمن قوة معينة او ميجا هرتز معينة لل في ام ، ده وارد جدا لانه ممكن تحط Reservations w guarantee على الفي ام … طبعا المفهوم اعلاه حلو و جميل لو مفيش خناقة على البروسيسنج ، بس لو في اكتر من في ام و في اكتر من تايم الوكيشن و في مشكلة في الريسورسز ، بيبتدي يشتغل ال Shares, reservations and CPU scheduler علشان يبتدوا يعينوا ريسورسز صح للي في ، و ده برضوا معناه ، انه ممكن تيجي الفي ام تنفذ تعليمة على بروسيسور تلاقيه مشغول فبيكون على السكاديولار انه يلاقي بروسيسور فاضي علشان ينفذ التعليمة بس هنا بقا يجي الكلام ، انهون بروسيسور و انهون باس ، و هنا يبتدي الكلام على النوما و عدد الكور مقابل عدد البروسيسور زي ما اتفقنا فوق ، مفيش علاقة خالص بين الفيزيكال بروسيسور و الفيزيكال كور و الفيرتشوال بروسيسور و كور ، لانه الفيرتشول بروسيسور و كور هما مجرد مدة زمنية ، و ده معناه انه فعلا الفي ام باتنين سي بي يو و اتنين كور ، ستساوي في الكفاءة في ام بفيرتشوال سي بي واحد و اربعة كور ، لانهم هم الاتنين ليهم نفس الوزن من السكاديولار http://frankdenneman.nl/2013/09/18/vcpu-configuration-performance-impact-between-virtual-sockets-and-virtual-cores/ ، طب فين التتة التتة حتيجي اما تعمل في امات كبيرة ، تتخطى حجم النوما بتاعتك او ما يعرف بال Wide VMs و اللي الكونفيجريشن بتاعتها بتتخطى حجم نوما بتاعتك ، و في بلوج جميل على الموضوع ده http://blogs.vmware.com/vsphere/2013/10/does-corespersocket-affect-performance.html طبعا الكلام كده جميل اوي و ابتدت تتضح الصورة ، حيتبقا بقا حاجة مش حنتكلم فيها علشان المية متخشش على الزيت الا و هي الهايبر ثريدينج… اخر حاجة هي الثريد ؟! و ده تعبير بيطلق على عدد الفي امات اللي ممكن نحملهم على الكور لو معنديش حسبة منطقية للميجا هرتز اللي حقدر انفذهم يعني لو عندي بروسيسور فيها 12 كور ، فهو لو حيشغل في امات بسيرفر ابليكيشن ممكن يشغل بين 3 الى 6 ثريدز (كل ثريد تمثل في ام من فيرتشوال سي بي يو واحد فقط) يعني توتال 36 في ام ، كل في ام فيها فيرتشوال سي بي يو واحد ، و طبعا الارقام حتقل لو ابتديت تزود في الفيرتشوال سي بي يو طب هل في فرق بين في ام وير و هايبر في ؟! حاجات بسيطة او ما يعرف بال Gang Scheduling اللي مش بتستعمله مايكروسوفت ، و اختلافات بسيطة في خوارزمية تعيين و اختيار الكور و البروسيسور ، بس يبقا الكونسبت ثابت مراجع اخرى http://www.virtuallycloud9.com/index.php/2013/08/virtual-processor-scheduling-how-vmware-and-microsoft-hypervisors-work-at-the-cpu-level/ http://www.vmware.com/files/pdf/techpaper/VMware-vSphere-CPU-Sched-Perf.pdf طب و لايسنسنج الاس كيو ال؟! باختصار انت عندك اما اس كيو ال 2012 او 2014 ، في الاس كي ال 2008 و 2012 كانت الرخصة بالفيزيكال بروسيسور ، اللي بيديك رخصة لعدد 4 كور (فيرتشوال) في حين في ال 2014 ، دايما الرخصة بالكور طب يعني ايه ، يعني مايكروسوفت جايما بتعد الكور على الفي ام ، بحد ادنى اتنين كور ، يعني لو عندك 4 بورسيسور و كل بروسيسور كور ، هو نفس اللايسنس لبروسيسور ب 4 كور مراجع http://download.microsoft.com/download/3/D/4/3D42BDC2-6725-4B29-B75A-A5B04179958B/MicrosoftServerVirtualization_LicenseMobility_VLBrief.pdf