Home > bla bla bla > ننا و طنط سعاد

ننا و طنط سعاد


بعد احداث الاسكندرية اول امبارح مش عارف ليه افتكرت جدتي اللي بناديلها ننا و طنط سعاد جارتنا اللي قودامها بالظبط

من يوم ما اوعا و طنط سعاد و جدتي راشقين مع بعض و كنت دايما بشوف عمو شكري الله يرحمه بيقعد مع جدي الليه يرحمه هو كمان بيتكلموا بالساعات

الصداقة اللي كانت بينهم عمرها ما لفتت نظري و كانت شئ طبيعي ، لم اهتم بها الا اول امبارح

ماما كانت بتحكيلي ايام زمان ازاي كانو بيتجمعوا ايام حفلات ام كلثوم و كان جدتي بتعمل كحك و بسكوت و طنط سعاد كمان و يتلموا علشان يسمعوا ام كلثوم

و ازاي عمو شكري كان بيحب يقعد يسمع الخطب يوم الجمعة مع جدي لو منزلشي الصلاة لظروف صحته

عمري ما اتقال قودامي انه طنط سعاد دي مسيحية منكلمهاش او عمو شكري ده كوفتس او اي من الكلام الاهبل اللي بيتقال

ابن طنط سعاد (نبيل) سافر امريكا من زمان و اما خالي سافر برضو كان واحد من الناس اللي دايما بتسأل عليه و اما طنط سعاد بتسافر امريكا كانت بتسيب مفتاح الشقة مع ننا علشان تسقي الزرع و تحاسب الراجل بتاع الكهربا و تشقر على البيت

اما جدتي تعبت و سافرت امريكا طنط سعاد خلت نبيل يسافر من الولاية اللي هو مقيم فيها الى نيويورك علشان يسأل على ننا و خلته يكلمها من هناك علشان تكلم جدتي و تطمن عليها

الناس دي و رغم محدودية ثقافتها و اطلاعها (مقارنة لم هو متاح الان في عصرنا) استطاعت انها فعلا تعمل نسيج اجتماعي وطني و انها تتكيف مع كل المتغيرات و تعيش مع بعض في حب وود

النهاردة و رغم تقدمنا التكنولوجي لكن فكرنا بيعاني من التأخر و التخلف و للاسف اتنين جارين مش عارفين يعيشو مع بعض

التخلف ده احنا اللي حطينا نفسنا فيه، و بقول لكل اخ مسيحي ان كنت فاكر انه الحادثة دي ضايقتك لوحدك فانت غلطان  او انه التخل ده انت بتعاني منه انت لوحدك فانت غلطان انت كمان و اوعا تفتكر انه المسلمين او الاسلام بيدعو لكده

بس هو تخلف الفكر و انتشار الامية الفكرية و الثقافية برغم تقدم العلم هو السبب في انتشارالطائفية و الافكار المتخلفة دي كلها

و ياريتنا نرجع زمان

و على فكرة ننا و طنط سعاد دول مش شخصيات وهمية دي جدتي مقيمة في شقة 14 عمارة 99 عثمان ابن عفان و طنط سعاد في الشقة اللي قودامها مباشرة

و عزائي لكل اخواتي

Categories: bla bla bla
  1. April 30, 2011 at 11:31 pm

    ايه الحلاوه دى والله عشت معاك القصه وكانت لذيذه اوى ربنا يرحم كل من مات فى حادث الاسكندريه

  2. April 30, 2011 at 11:45 pm

    بقوللك يا جميل ممكن ائميللك؟؟؟؟؟؟؟؟؟؟؟؟؟

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: